Bugun erta tongdan o‘quvchilar lablarida tabassum, ko‘zlarida quvonch bilan maktab tomon odimlamoqda.

Xususan, Mirzo Ulug‘bek tumani 208-umumiy o‘rta ta’lim maktabida Birinchi qo‘ng‘iroq Davlatimiz madhiyasi bilan boshlangan bayram tadbirida maktab direktori so‘zga chiqib, o‘quvchilarni yangi o‘quv yili boshlanganligi bilan tabriklab, ularni barkamol avlod bo‘lib voyaga yetishlari, ma’naviy-ahloqiy va jismonan sog‘lom bo‘lishlari, olib borilayotgan islohotlarning faol ishtirokchisiga aylanishlari uchun barcha shart-sharoitlar yaratilganligini qayd etib o‘tdi.

Shuningdek, tadbirda xalq deputatlari Mirzo Ulug‘bek tumani Kotibiyati mudiri Shoanvar Shomaxmudov ham ishtirok etib, o‘quvchilarni tabrikladi.

Ilm dargohiga ilk qadam qo‘ygan o‘g‘il-qizlarga Prezident sovg‘alari topshirildi.