МУСТАҚИЛЛИК — ҚАЛБИМИЗДАГИ ФАХР ВА ҒУРУР!

🎉Конимех туманида Ўзбекистон Республикаси мустақиллигининг 35 йиллигига бағишланган тантанали маросим бўлиб ўтди.

Тантанали тадбирда туман ҳокими Руслан Рўзиев иштирок этиб, йиғилганларни, фаол ва фидойи тумандошларимизни ҳамда улар орқали бутун туман аҳлини улуғ айём — Мустақиллик байрами билан самимий муборакбод этди.

🏅Тадбирда туманнинг ижтимоий-иқтисодий тараққиёти, ободлиги ва аҳоли фаровонлигини юксалтиришга муносиб ҳисса қўшиб келаётган бир гуруҳ фидойи ва ташаббускор тумандошларимиз «Ўзбекистон Республикаси мустақиллигининг 35 йиллиги» эсдалик нишони билан тақдирланди.

👏Қувонарлиси, тақдирланганлар орасида Халқ депутатлари Конимех тумани Кенгаши депутатлари Батирхан Қушқарбеков ва Қанағат Досмурзаева ҳам бор.

🎖Депутатларимизни ушбу юксак эътироф билан самимий муборакбод этамиз!

Бу мукофот — уларнинг юрт равнақи, халқ фаровонлиги ва туман тараққиёти йўлидаги фидокорона меҳнатига берилган юксак баҳодир.

🇺🇿Мустақиллик байрами муборак бўлсин!