O‘zbekiston Respublikasi davlat mustaqilligining 35 yilligi munosabati bilan yurtimizda turli ma’naviy-ma’rifiy tadbirlar, aksiya va chelenjlar tashkil etilmoqda.
🇺🇿Shu munosabat bilan Xalq deputatlari Jondor tumani Kengashi raisi L.Behbudova hamda Xalq deputatlari Jondor tumani Kengashi kotibiyati mudiri I.Xolov tashabbusi bilan «Mustaqillik qadriyat» nomli chelenj o‘tkazildi.
🇺🇿Chelenjdan ko‘zlangan asosiy maqsad — yosh avlod va keng jamoatchilik qalbida Vatanga muhabbat, yurt taqdiriga daxldorlik, milliy qadriyatlarga hurmat va istiqlol ne’matlariga shukronalik tuyg‘ularini yanada mustahkamlashdan iborat.
🇺🇿Tadbir davomida ishtirokchilar mustaqillikning xalqimiz hayotidagi beqiyos ahamiyati, yurtimizda amalga oshirilayotgan islohotlar va erishilayotgan yutuqlar haqida o‘z fikr va munosabatlarini bildirdilar.
🇺🇿Darhaqiqat, mustaqillik — xalqimizning eng ulug‘ va bebaho qadriyati. Uning qadrini anglash, asrab-avaylash va kelgusi avlodlarga munosib tarzda yetkazish har bir yurtdoshimizning muqaddas burchidir.
🇺🇿«Mustaqillik qadriyat» chelenji ham ana shu ezgu g‘oyalarni keng targ‘ib etish, yurtdoshlarimizni Vatan ravnaqi va taraqqiyotiga daxldorlik ruhida birlashtirishga xizmat qildi.