Bozataw rayonı “Kók-suw” APJ aymaǵında Xalıq dputatları Bozataw rayonlıq Keńesi deputatı, rayon hákimi B.Ubbiniyazov tárepinen aymaqta jasawshı puqaralardıń múrájatların úyreniw hám olarǵa unamlı sheshim tabıw maqsetinde gezektegi kóshpeli qabıllawın ótkerdi.

Bolıp ótken qabıllawǵa tiyisli taraw basshıları hám aymaq turǵınları qatnastı. Qabıllawda puqaralar tárepinen ishki jollardı ońlaw, aqaba suw máselesi, bántlik, ishimlik suwı hámde basqada turmıslıq mashqalalarǵa baylanıslı bolǵan múrájatlar kelip tústi.

Kóshpeli qabıllawda puqaralar tárepinen bildirilgen bir qatar múrájatlar sol orınnıń ózinde qanaatlandırıldı, sheshimi waqıt talap etetuǵın múrájatlardıń unamlı sheshim tabıwı ushın juwapkerlerge anıq tapsırmalar belgilep berildi.