Xalq deputatlari Bekobod tumani Kengashi deputati, O‘zbekiston Xalq demokratik partiyasidan saylangan S.Xidirova Do‘stlik mahallasida bo‘lib, hokim yordamchisi tomonidan amalga oshirilayotgan ishlar samaradorligi bilan yaqindan tanishdi.

Xususan, mahallada aholini kambag‘allikdan chiqarish borasida olib borilayotgan ishlar, ehtiyojmand oilalarni qo‘llab-quvvatlash va ularning daromadini oshirishga qaratilgan chora-tadbirlar muhokama qilindi.

Bugungi kunda Do‘stlik mahallasida 28 ta oila kambag‘allik reyestrida ro‘yxatda turibdi. Ushbu oilalarning har biri uchun hokim yordamchisi tomonidan individual "yo‘l xaritalari" ishlab chiqilgan bo‘lib, ularga amaliy yordam ko‘rsatish hamda bosqichma-bosqich kambag‘allikdan chiqarish bo‘yicha aniq vazifalar belgilangan.

✅ Har bir oila farovonligi – e'tibor markazida.