Parkent tumanida aholiga sifatli tibbiy xizmat ko‘rsatish, zamonaviy tibbiyot infratuzilmasini rivojlantirish va fuqarolar uchun qulay sharoitlar yaratish borasidagi ishlar izchil davom ettirilmoqda.Xususan, Shampan mahallasida O‘zbekiston Respublikasi Prezidentining 2025-yil 27-dekabrdagi PQ-393-son qarori asosida Shampan oilaviy poliklinikasi qayta rekonstruksiya qilinib, zamonaviy va qulay sharoitlarga ega tibbiyot maskani sifatida foydalanishga topshirildi.Yangi oilaviy poliklinikaning tantanali ochilish marosimida Xalq deputatlari Parkent tumani Kengashiga 23-“Nomdanak” saylov okrugidan saylangan deputat, tuman hokimi Elmurod Po‘latov ishtirok etdi.Tadbir davomida yangi tibbiyot muassasasida yaratilgan sharoitlar bilan tanishilib, aholiga tibbiy xizmat ko‘rsatish imkoniyatlari ko‘zdan kechirildi.Mazkur poliklinika 2 300 nafardan ortiq aholiga xizmat ko‘rsatishga mo‘ljallangan bo‘lib, muassasa zarur tibbiy jihozlar va zamonaviy moddiy-texnik baza bilan ta’minlangan.Yangi oilaviy poliklinikaning foydalanishga topshirilishi Shampan mahallasi aholisi uchun tibbiy xizmatlardan yanada qulay va sifatli foydalanish imkoniyatini kengaytiradi.Tantanali tadbirda tuman mutasaddilari, tibbiyot sohasi vakillari,mahalla faollari, nuroniylar hamda keng jamoatchilik vakillari ishtirok etdi.