17-maktab yerto‘lasida suv to‘planishining oldini olish masalasi o‘rganildi

Xalq deputatlari tuman Kengashi deputati G.Qorayeva hamda kotibiyat mudiri N.Turdiyev tomonidan Shodlik mahallasidagi 17-sonli umumta’lim maktabining yerto‘lasida sizot suvlari to‘planishi bilan bog‘liq holat o‘rganildi.

O‘rganish davomida avval mavjud bo‘lgan sizot suvlari to‘planishi muammosi bartaraf etilgani, biroq yog‘ingarchilik mavsumida yerto‘laga suv to‘planish ehtimoli mavjudligi aniqlandi.

Mazkur holatning oldini olish maqsadida tik quduq qurish rejalashtirilgan, biroq bugungi kunga qadar ushbu ishlar amalga oshirilmagan. Mas’ullarga belgilangan ishlarni o‘z vaqtida bajarish va muammoning qayta yuzaga kelishining oldini olish choralarini ko‘rish yuzasidan tegishli tavsiyalar berildi. Masala deputat nazoratiga olindi.