Xalq deputatlari Bag‘dod tumani Kengashi deputatlari tomonidan saylov okruglarida saylovchilar bilan uchrashuvlar o‘tkazish hamda hududlarda mavjud muammolarni o‘rganish yuzasidan tasdiqlangan reja-jadvalga asosan “Obodyurt” mahalla fuqarolar yig‘inida o‘rganish ishlari olib borildi.

➡️O‘rganish davomida “Mustaqillik” ko‘chasidan oqib o‘tuvchi zovurning qariyb 15 yildan buyon tozalanmagani, buning oqibatida hududda noxush hidlar tarqalayotgani, suv to‘planib qolayotgani hamda ayrim xonadonlarning tomorqa yerlarida zaxlik yuzaga kelayotgani aniqlandi.

✔️Mazkur muammoni bartaraf etish, aholi uchun qulay va sanitariya talablariga javob beradigan sharoit yaratish maqsadida Bag‘dod tumani hokimi o‘rinbosari O.Xalimovga 69-ds-287-26-sonli deputat so‘rovi yuborildi.

✔️Deputat so‘rovida “Mustaqillik” ko‘chasidan oqib o‘tuvchi zovurni to‘liq tozalash, o‘zanini tartibga keltirish hamda hududda yuzaga kelayotgan noxush holatlarning oldini olish bo‘yicha amaliy choralar ko‘rish so‘raldi.