Xalq deputatlari Shirin shahar Kengashi bosh mutaxassisi X. Rahmatullayev tomonidan Nurobod mahallasi hokim yordamchisi faoliyati o‘rganildi. O‘rganish davomida mahallada aholi bandligini ta’minlash, tadbirkorlikni rivojlantirish, fuqarolarning murojaatlari bilan ishlash hamda ishsiz fuqarolarni doimiy va mavsumiy ish o‘rinlariga joylashtirish borasida amalga oshirilayotgan ishlar tahlil qilindi.

Shuningdek, aholini kasb-hunarga o‘qitish, yangi tadbirkorlik loyihalarini yo‘lga qo‘yish va mahallaning ijtimoiy-iqtisodiy salohiyatidan samarali foydalanish bo‘yicha olib borilayotgan ishlar ko‘rib chiqildi. O‘rganish yakunida aniqlangan kamchiliklarni bartaraf etish hamda hokim yordamchisi faoliyati samaradorligini yanada oshirish yuzasidan tegishli tavsiya va ko‘rsatmalar berildi.