Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tomonidan tumanning “Pskom” mahallasida 2026-yil 1-mavsum “Tashabbusli budjet” loyihasi doirasida eng ko‘p ovoz to‘plab g‘olib deb topilgan uzunligi 2701 m ichki yo‘llarni asfaltlashtirishga tayyorlash holati “mahalla yettiligi” a’zolari ishtirokida o‘rganildi.

🔺O‘rganish jarayonida ichki yo‘lning mavjud holati, asfaltlash ishlarini boshlashdan oldin olib borilayotgan tayyorgarlik tadbirlari, yo‘l asosini talab darajasida shakllantirish hamda qurilish ishlarining sifatiga alohida e’tibor qaratildi.

🔺Shuningdek, yo‘lni asfaltlash ishlari boshlanishidan avval uning asosini mustahkamlash, tekislash va zarur tayyorgarlik ishlarini to‘liq yakunlash muhimligi ta’kidlandi. Zero, yo‘l qurilish ishlarining sifatli amalga oshirilishi uning uzoq muddat xizmat qilishi va aholiga qulaylik yaratishida muhim omil hisoblanadi.

🔺Deputat tomonidan mas’ullarga qurilish ishlarini belgilangan talab va me’yorlar asosida olib borish, yo‘lni asfaltlashga puxta tayyorlash, ishlarning sifati va muddatlariga qat’iy rioya qilish bo‘yicha tegishli tavsiyalar berildi.