Toyloq tumani Chorbog‘tepa mahallasida fuqarolar murojaatlari asosida ichimlik suvi ta’minotini yaxshilash masalasi o‘rganildi.

O‘rganish jarayonida Xalq deputatlari Toyloq tuman Kengashi kotibiyati bosh mutaxassisi Sh. G‘afforov hamda “Toyloq tuman Suvoqova” bo‘limi boshlig‘i Asqar Shukurov ishtirokida mahalla fuqarolarining qariyb 1 kilometr ichimlik suvi quvuri tortish bo‘yicha murojaati ko‘rib chiqildi.

Mazkur masala yuzasidan avvalgi sessiya qaroriga asosan 650 metr suv quvurini tortish uchun tuman mahalliy budjetining orttirilgan qismi hisobidan mablag‘ ajratilgan.
O‘rganish yakunida ichimlik suvi tarmog‘ini belgilangan hajmda to‘liq amalga oshirish, aholini sifatli va barqaror ichimlik suvi bilan ta’minlash yuzasidan tegishli chora-tadbirlar belgilab olindi.