Jamg‘arma mablag‘laridan maqsadli foydalanish holati o‘rganildi

Xalq deputatlari Qo‘shko‘pir tumani Kengashi kotibiyati bosh mutaxassisi Matyaqubova Sarabibi Idirovna tomonidan ishchi guruh tuzilib, tuman Kengashining 2026-yil 27-avgustdagi VII-33-85-12-172-K/26-sonli “Qo‘shko‘pir tumani «Infratuzilma va ijtimoiy barqarorlik» jamg‘armasi hisobidan mablag‘ ajratish to‘g‘risida”gi qarori ijrosi doirasida ajratilgan mablag‘larning maqsadli va samarali sarflanish holati o‘rganildi.
O‘rganish davomida Qo‘shko‘pir tumanida joylashgan Az-Zamaxshariy nomidagi istirohat bog‘ini rekonstruksiya qilish doirasida sahna dekoratsiyasi uchun zarur bo‘lgan anjomlar hamda monitorlarni xarid qilish xarajatlariga ajratilgan 650 000 000 (olti yuz ellik million) so‘m mablag‘ning belgilangan maqsadlar asosida sarflanish holati atroflicha ko‘rib chiqildi.
Ishchi guruh tomonidan mablag‘larning maqsadli yo‘naltirilishi, xarid qilingan anjom va jihozlarning belgilangan vazifalarga muvofiqligi, shuningdek, amalga oshirilgan ishlarning hajmi va sifatiga alohida e’tibor qaratildi.
O‘rganish yakunlari bo‘yicha aniqlangan holatlar tahlil qilinib, jamg‘arma mablag‘laridan oqilona, shaffof va maqsadli foydalanishni ta’minlash yuzasidan tegishli taklif va tavsiyalar ishlab chiqildi.
Instagram | Face book |  You Tube