Xalq deputatlari tuman Kengashi kotibiyati bosh mutaxassisi Sh. G‘afforov hamda Inson ijtimoiy xizmatlar markazi boshlig‘i J. Jo‘rayev ishtirokida Tepaqishloq mahallasida yashovchi fuqaro Tursunov Qobil boboning murojaati o‘rganildi.

✅Fuqaro Q. Tursunov yashash xonadonini ta’mirlash uchun moddiy yordam ko‘rsatishni so‘rab, Xalq deputatlari tuman Kengashiga murojaat qilgan.

✅Murojaatda Tuman hokimliklari huzuridagi “Infratuzilma va ijtimoiy barqarorlik” jamg‘armasi mablag‘lari hisobidan, nogironligi bo‘lgan hamda oilasida mehnatga layoqatli a’zolari mavjud bo‘lmagan fuqarolarga amaldagi tartib asosida ko‘rsatiladigan ijtimoiy yordamdan foydalanish masalasi ko‘tarilgan.

✅Murojaat yuzasidan fuqaroning ijtimoiy holatini o‘rganish, tegishli hujjatlarni ko‘rib chiqish hamda amaldagi tartiblar asosida moddiy yordam ajratish imkoniyatini aniqlash bo‘yicha tegishli ishlar olib borilmoqda.

✅Fuqarolarning murojaatlarini o‘z vaqtida ko‘rib chiqish, ularning huquq va manfaatlarini himoya qilish hamda davlat tomonidan belgilangan ijtimoiy imtiyoz va yordamlarning to‘g‘ri qo‘llanilishini ta’minlash borasidagi ishlar davom ettirilmoqda.