#kunlik_ish_reja_ijrosi
#19_1_modda
#Kengash_raisi_deputat_sifatida
#24_ta_masala
#Okrugda_o‘rganish
#kotibiyat_xodimi_faoliyati
#deputat_faoliyati

Bandixon tumanida deputatlik nazorati: "Navro'z" mahallasida 8,5 km ichimlik suvi tarmog‘i qurilishi ko‘rib chiqildi

Bandixon tumanida aholi farovonligini ta’minlash, hududiy infratuzilma ob’ektlarini yaxshilash hamda aholini toza ichimlik suvi bilan uzluksiz ta’minlash borasida deputatlik nazorati tadbirlari izchil amalga oshirilmoqda.

Xalq deputatlari Bandixon tumani Kengashi raisi, 18-Navro'z saylov okrugi deputati E.Jurayev hamda Kengash kotibiyati bosh mutaxassisi E.Eshonqulov "Navro'z" MFYda bo‘lib, hududda amalga oshirilayotgan ichimlik suvi tarmog‘ini qurish ishlari bilan yaqindan tanishdilar.

Monitoring jarayonida ta’kidlanganidek, ushbu mahalla hududiga diametri D-160–200 mm bo‘lgan yangi ichimlik suvi quvurlari keltirilib, 8,5 km masofada yotqizish ishlari jadal olib borilmoqda. Mazkur loyihaning foydalanishga topshirilishi "Navro'z" mahallasi aholisining toza ichimlik suvi ta’minotini tubdan yaxshilash imkonini beradi.

Tashrif yakunida qurilish ishlarini sifatli va belgilangan grafiklar asosida yakunlash bo‘yicha soha mas’ullariga tegishli vazifalar belgilandi.