Xalq deputatlari Jondor tumani Kengashiga 3-Romish saylov okrugidan saylangan deputat R.Bozorova tomonidan Qazoqon mahallasi hududidagi 46-umumiy o‘rta ta’lim maktabida yangi 2026–2027 o‘quv yiliga tayyorgarlik masalalariga bag‘ishlangan ota-onalar majlisida ishtirok etildi.
         🔹Majlis davomida yangi o‘quv yilini munosib qarshi olish, ta’lim sifati va tarbiya jarayonida maktab hamda ota-onalar hamkorligini yanada mustahkamlash, o‘quvchilar uchun yaratilgan shart-sharoitlardan samarali foydalanish kabi muhim masalalar muhokama qilindi.
         🔹Deputat R.Bozorova o‘z so‘zida farzandlarning barkamol va bilimli bo‘lib voyaga yetishida ota-onalarning mas’uliyati beqiyos ekanini ta’kidlab, ta’lim muassasasi bilan doimiy hamkorlikda ish olib borish har bir o‘quvchining muvaffaqiyatiga xizmat qilishini qayd etdi.
         🔹Uchrashuv samimiy muloqot ruhida o‘tib, ota-onalarni qiziqtirgan savollarga javoblar berildi hamda kelgusida maktab, ota-ona va jamoatchilik o‘rtasidagi hamkorlikni yanada kuchaytirish bo‘yicha o‘zaro kelishuvlarga erishildi.
         🔹Bunday muloqotlar ta’lim sifatini oshirish, yosh avlodning munosib kamol topishi va yangi o‘quv yilini yuqori tayyorgarlik bilan boshlashda muhim ahamiyat kasb etadi.