Сессия кун тартибига кўра туманни комплекс, ижтимоий-иқтисодий ривожлантириш, ишсизликни камайтириш ва бандликни таъминлаш, бизнес фаолияти билан шуғулланувчи субъектларни ривожлантириш бўйича 2024 йил учун туман дастури ҳамда туманда аҳоли бандлигини таъминлаш бўйича туман дастурини тасдиқлаш Ўзбекистон Республикаси Олий Мажлиси Қонунчилик Палатаси ва Ўзбекистон Республикаси Олий Мажлиси Сенатининг 2023 йил 13 декабр кунги 3787-IV/KQ-642-IV-сонли қўшма қарори ижроси юзасидан Пахтаобод туманида қишлоқ хўжалигига мўлжалланган ерлардан фойдаланиш ҳолатини ўрганиш натижаси, туман ички ишлар бўлими бошлиғи Ф.Давроновнинг 2023 йил давомида туманда иқтисодий ишлар бўйича жиноятлар таҳлили юзасидан ҳисоботлари тингланди.

            Шунингдек, сессияда Пахтаобод туманида “Ҳокимлик боғи”, “Жамоат парки” ҳамда “Яшил боғ” ташкил этиш, Пахтаобод туманида 5-босқич “Аёллар дафтари” рўйхатини ҳамда  “Ёшлар ва бизнесни қўллаб-қувватлаш йили”да туманда ёшларга яратиладиган имкониятлар, уларни қўллаб-қувватлаш, илм-фан, инновация, IT каби соҳаларни ривожлантириш ва ижтимоий соҳани ривожлантиришга қаратилган туман дастурини тасдиқлаш тўғрисидаги масалалар кўриб чиқилди.

         Сессия сўнгида Халқ депутатлари туман Кенгашининг Соғлиқни сақлаш, маданият, спорт ва ижтимоий ҳимоя масалалари бўйича доимий комиссиясининг қарорини ҳамда кун тартибидаги масалалар юзасидан тегишли қарорлар қабул қилинди.