Xalq deputatlari Payariq tumani Kengashi raisi Jabborov Isroi Ismoilovich, mas'ullar, mahalla faollari, yoshlar va jamoatchilik ishtirokida tumanning "Dehqonobod", "Juvozxona", "Alisher Navoiy", "Istiqlol", "Oqtosh", "Guliston" va "Birlashuv" mahalla fuqarolar yig‘inlarida bo‘lib, aholini hushyorlikka chaqirib, atrofdagilarga nisbatan befarq bo‘lmaslikni, profilaktik tadbirlarni amalga oshirish lozimligini hududda sodir etilgan har qanday jinoyat favqulodda holat sifatida baholanishi lozimligi haqida aytib o‘tdi.

Bugungi kunda jinoyat va huquqbuzarliklarning oqibati bilan emas, balki uni keltirib chiqarayotgan omillarga qarshi kurash va bartaraf etish, aholi orasida jinoyatlarni barvaqt oldini olish, jinoyatni jilovlash, har bir mahallada, eng avvalo, oilalarda jinoyatchilikka qarshi muhit yaratish degan ezgu g‘oyani shakllantirish dolzarb vazifa ekanligiga alohida urg‘u qaratildi.

Tadbirlar davomida sodir etilgan qonunbuzilishlar mahalla kesimida tahlil etilib, yo’l qo’yilgan kamchilik va nuqsonlar ko’rsatib o’tildi. Shuningdek, mahalla hududida yuz bergan jinoyatning ayrim tafsilotlari bayon etildi.