O‘zbekiston Respublikasi Prezidentining 2022-yil 2-avgustdagi PQ-341-son qarorining ijrosi yuzasidan Chinoz tumanida aholining ichimlik suvi
va oqova suv bilan ta’minlash darajasini oshirish bo‘yicha amalga oshirilayotgan ishlarni o‘z muddatlarida va sifatli bajarilishini nazorat
qilish maqsadida jamoatchilik nazorati guruhi tuzilgan. 

O‘zbekiston Respublikasi Prezidentining 2022-yil 2-avgustdagi PQ-341-son qarorining ijrosi yuzasidan Chinoz tumanida aholining ichimlik suvi va oqova suv bilan ta’minlash darajasini oshirish bo‘yicha amalga oshirilayotgan ishlarning holati to‘g‘risida jamoatchilik nazorati guruhining navbatdagi yig‘ilish bo‘lib o‘tdi. 

Yig‘ilishni Xalq deputatlari Chinoz tumani Kengashi kotibiyati mudiri, jamoatchilik nazorati guruhi rahbari Asqar Baxramov olib bordi. 

Yig‘ilishda Chinoz tumani hokimi Sherzod Salixov, xalq deputatlari viloyat Kengashi deputati Axmadali Xudayberganov, xalq deputatlari Chinoz tumani Kengashi deputatlari, jamoatchilik nazorati guruhi a’zolari, tuman hokimining o‘rinbosarlari, “Toshkent suv ta’minoti” MChJ rahbarining qurilish masalalari bo‘yicha o‘rinbosari va mas’ul xodimlari, loyiha buyurtmachilari va loyiha g‘olibi deb topilgan qurilish pudrat tashkilotlari rahbarlari,
Xalq deputatlari Chinoz tumani Kengashi kotibiyati xodimlari, tumandagi tegishli bo‘lim va tashkilot rahbarlari ishtirok etdilar. 

Kun tartibidagi masala Chinoz tumanida aholining ichimlik suvi va oqova suv bilan ta’minlash darajasini oshirish bo‘yicha amalga oshirilayotgan loyihalar holati, loyihalarni bajarish muddatlari va tartiblari to‘g‘risida “Toshkent suv ta’minoti” MChJ rahbarining qurilish masalalari bo‘yicha o‘rinbosari,, loyiha buyurmachilari va loyiha g‘olibi deb topilgan qurilish pudrat tashkilotlari rahbarlarining hisobotlari eshitildi. 

Muhokamalar davomida jamoatchilik nazorati guruhi a’zolari so‘zga chiqib, o‘zlarining savol, taklif va fikr-mulohazalarini bildirib o‘tdilar. 

  Xalq deputatlari Chinoz tumani Kengashi kotibiyati