Bugun Nurobod tuman hokimligida xalq deputatlari Nurobod tuman Kengashining sakson ikkinchi sessiyasi bo‘lib o‘tdi.

Sessiya kun tartibiga kiritilgan 2023-yil davomida Xalq qabulxonasiga kelib tushgan murojaatlar, tumandagi korxona va tashkilotlarda murojaatlar bilan ishlash ahvoli hamda tumandagi iqtisodiy-ijtimoiy holati og‘ir bo‘lgan mahallalarda olib borilayotgan ishlar, tumanda qonuniylikni mustahkamlash, fuqarolarning huquq va erkinliklarini muhofaza qilish, jinoyatchilik hamda huquqbuzarliklarning oldini olish borasida amalga oshirilgan ishlar, tumanda huquqbuzarliklar profilaktikasi va jinoyatchilikka qarshi kurashish sohasida olib borilgan ishlar, Nurobod tumani adliya bo‘limi tomonidan 2023-yil davomida amalga oshirilgan ishlar, 4-bosqich “Ayollar daftari”ga kiritilgan xotin-qizlarni “Ayollar daftari” ro‘yxatidan chiqarish, tumanda yo‘l-transport hodisalarini oldini olish, harakat xavfsizligini ta’minlash borasida amalga oshirilgan ishlar, 2024-yil uchun belgilangan bazaviy soliq stavkasi asosida yer solig‘i stavkalarini tasdiqlash, Xalq deputatlari Nurobod tumani Kengashining 2022-yil 30-dekabrdagi “Nurobod tumanining 2023-yilgi mahalliy budjetini tasdiqlash to‘g‘risida”gi VI-65-194-7-99-K/22-sonli qaroriga o‘zgartirishlar kiritish, 2023-yil IV chorak yakuni bilan jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar, tuman mahalliy budjetining 2024-yil 1-yanvar holatiga shakllangan erkin qoldiq mablag‘lari hisobidan ajratiladigan mablag‘lar, Xalq deputatlari tuman Kengashi va doimiy komissiyalarining 2024-yilga mo‘ljallangan ish rejalarini tasdiqlash va boshqa masalalarda yillik hisobot va rejalar tinglandi.

Xalq vakillari tomonidan har bir masala batafsil muhokama qilinib, yakunda ovoz berish yo‘li bilan tuman Kengashining tegishli qarorlari qabul qilindi.