Бүгин 2024-жыл 26-январь күни Хожели районы ҳәкимлигиниң мәжилислер залында Өзбекстан Республикасының "Пуқаралығы ҳаққында"ғы нызамына тийкар, үш пуқарамыздың көп жыллар даўамында күткен азрыў-үмитлери орынланды. Инсан өмириндеги бирден-бир ҳүжжет болып есапланған Өзбекстан Республикасы пуқаралығын тастыйықлаўшы ID карталары район ҳәкими Ж.Ермашев ҳәм депутатларымыз тәрепинен салтанатлы түрде тапсырылды. Бул ҳүжжетлерге ийе болған пуқараларымыз өзлериниң қуўанышлары менен бөлисип, Президентимизге шексиз миннетдаршылық билдирди.

Мағлыўмат орнында: Хожели районында 2016-жылға дейин 375 пуқаралығы болмаған шахс жасап келген болса, соннан бүгинги күнге Президентимиздиң Пәрманларына тийкар 135 шахсқа Өзбекстан Республикасы Пуқаралығы рәсмийлестирилип берилди.