Joriy yilning 29-yanvar kuni o‘tkazilishi rejalashtirilgan Xalq deputatlari Toyloq tuman Kengashining navbatdagi 86-sessiyasi kun tartibiga kiritilgan masalalar yuzasidan mas’ullarning hisobotlari eshitildi.

    Jumladan, O‘zbekiston Respublikasi Prezidentining Toyloq tumanidagi Xalq qabulxonasi mudiri Z.Nuriddinovning 2023-yil davomida tumandagi sektorlar va tashkilotlar rahbarlarining aholi murojaatlari va muammolari bilan ishlash holati, tuman Adliya bo‘limi boshlig‘i X.Bobanovning 2023-yil davomida tuman darajasidagi davlat organlari va tashkilotlarining norma ijodkorligi hamda huquqni qo‘llash amaliyoti holati, O‘zbekiston Respublikasi Bosh prokuraturasi huzuridagi Majburiy ijro byurosi tuman bo‘limi boshlig‘i F.Sharipovning hisobotlari tinglandi. 

    Barcha masalalar komissiya a’zolari tomonidan muhokama etilib, fikr-mulohazalar bildirilgach, hisobotlar navbatdagi sessiyaga kiritish uchun tavsiya etildi.