Халқ депутатлари туман Кенгаши котибияти мудири Р.Атоева бошчилигида бир гуруҳ отинойи, фаол аёллар Ҳазортут МФЙ Новфач қишлоғида умргузаронлик қилаётган пири бадавлат 94 ёшли Ўғилой онахонни йўқлаб боришди.

  Бу ерда жам бўлган аёллар онахоннинг бой тажрибаси, оила тутуми, фарзандлар тарбияси тўғрисида ширин гурунг қилишди. Онахоннинг оилада аёлнинг сабрли, андишали, қаноатли бўлиши оиланинг мустаҳкамлигини таъминлаши тўғрисидаги суҳбатидан баҳраманд бўлишди. Ўғилой ая ҳали тетик. Ая ёшлигини эслаб халқ қўшиқларидан хиргойи қилиб, мухаммаслар айтди. Дийдор сўнгида ая шукроналик дуосини ўқиди.