Ўзбекистон ХДП Бўстон туман Кенгаши депутатлари, туман Оила ва хотин-қизлар қўмитаси, вилоят ишчи гурухи хамкорлигида эрта никоҳ ва оилавий ажримларнинг олдини олиш, хотин-қизларнинг ҳуқуқ ва манфаатини ҳимоя қилиш мақсадида "Оилаларни яраштириш" куни ўтказилди. Тадбир давомида ажрим ёқасида турган 9 та оилалар муросага келтирилиб, яраштирилди.Биз яшаб турган ҳаётимизнинг бир қисмини аёллар ташкил қилади. Бу хусусда хадисларда шундай ривоят қилинган: “Аёллар эркакларнинг ажралмас бир қисмидир”.  Чунки улар сабабли дунёмиз зийнати ва жаннат райҳонлари бўлган ширин-шакар фарзандлар дунёга келади. Шу билан бирга бошланғич таълим-тарбияни фарзандларимиз оила аталмиш муқаддас гўшада ота-оналаридан оладилар.