Oliy Majlis Qonunchilik palatasi deputatlari, O‘zLiDeP fraksiyasi a’zolari Ekaterina Smesova va Saydullo Azimov Andijon shahridagi “Maydon bozor” mahallasida bo‘lib, mahalla raisi, faollar va aholi vakillari bilan uchrashdilar.

Samimiy muloqot davomida mahalladagi ijtimoiy muhit, aholini qiynayotgan masalalar, hudud obodonchiligi va infratuzilma bilan bog‘liq masalalar yuzasidan fikr almashildi. Aholining taklif va murojaatlari tinglanib, ularning mazmun-mohiyati atroflicha o‘rganildi.

Uchrashuvda Xalq deputatlari Andijon shahar Kengashi raisi R. Ziyayev hamda Kengash kotibiyati bosh mutaxassisi Sh. Yusupov ham ishtirok etdi.

Uchrashuv yakunida mahallada aholi bilan muntazam muloqot olib borish, ko‘tarilgan masalalarning yechimini izlash va ularning ijobiy hal etilishini ta’minlash muhimligi ta’kidlandi.