Termiz shahrida aholi bilan bevosita muloqot qilish, ijtimoiy ehtiyojmand qatlamlarni qo‘llab-quvvatlash hamda fuqarolarning huquqiy savodxonligini oshirish borasidagi deputatlik faoliyati izchil davom ettirilmoqda.

Xalq deputatlari Termiz shahar Kengashi kotibiyati mudiri A.Ashurov hamda kotibiyat bosh mutaxassisi R.Mamashukurovlar  25-“Kokildorota” saylov okrugi deputati M.Sidiqovaga biriktirilgan “Namuna” mahallasida bo‘lib, fuqarolar qabulni o‘tkazdilar.

Qabul davomida murojaat bilan kelgan fuqarolarga O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ–415-sonli Qonuni doirasida ijtimoiy xizmatlar ko‘rsatishda shaffoflikni ta’minlash, ehtiyojmand oilalarga davlat tomonidan beriladigan nafaqalar hamda moddiy yordamlarni rasmiylashtirish bo‘yicha tushunchalar berildi.

Qabul davomida fuqarolardan kelib tushgan boshqa shaxsiy va ijtimoiy murojaatlar ham tinglanib, ularga joyida huquqiy maslahatlar berildi hamda ijrosi deputatlik nazoratiga olindi.