249-MAKTAB — YUKSAK MAQSADLAR SARI YO‘L OCHGAN TA’LIM MASKANI

📍 “Beruniy” MFY hududida joylashgan 249-sonli umumta’lim maktabida 2026–2027-o‘quv yiliga tayyorgarlik holati joyiga chiqqan holda o‘rganildi.

⚡️Xalq deputatlari Olmazor tumani Kengashi deputati Ibaydullo Mamajanov hamda Kengash kotibiyati bosh mutaxassisi B. Xoliqjonova ishtirokida mahalliy Kengash deputatlari faoliyatining 24 ta tavsiyasiga asosan o‘rganish ishlari olib borildi. Jumladan, maktabdagi mavjud sharoitlar, ta’lim jarayoniga tayyorgarlik, o‘quvchilar uchun yaratilgan imkoniyatlar hamda hududning obodonlashtirish holatiga alohida e'tibor qaratildi.

⚽️ Sport zali holati ham alohida o‘rganilib, o‘quvchilarning jismoniy tarbiya mashg‘ulotlarini sifatli tashkil etish, sport bilan shug‘ullanishlari uchun yaratilgan sharoitlar hamda mavjud jihozlarning holatiga e’tibor qaratildi.

🌳 Shuningdek, maktab hududidagi yashillik darajasi, ko‘kalamzorlashtirilgan maydonlar, daraxt va manzarali o‘simliklarning holati ko‘zdan kechirildi. Maktab hududini yanada obod va yashil maskanga aylantirish, o‘quvchilar uchun qulay va sog‘lom muhit yaratish masalalariga e'tibor qaratildi.

✨ 249-sonli maktab — nafaqat ta’lim va tarbiya maskani, balki yurtimiz taraqqiyotiga munosib hissa qo‘shayotgan ko‘plab iste’dodli insonlarni voyaga yetkazgan qutlug‘ dargohdir. Maktab bitiruvchilari orasida huquqni muhofaza qiluvchi organlar, ilm-fan, madaniyat va san’at kabi turli sohalarda samarali faoliyat yuritayotgan yurtdoshlarimiz borligi ushbu ta’lim maskani jamoasining faxridir.

🎓 Har bir bitiruvchining yutug‘i — ustozlarning fidokorona mehnati, berilgan puxta bilim va ota-onalar ishonchining munosib samarasidir.

🇺🇿 Deputatlik nazorati — hududdagi mavjud muammolarni aniqlash, ularning yechimiga ko‘maklashish va aholi uchun munosib sharoitlar yaratilishini ta’minlashga xizmat qiladi.

📌 24 ta tavsiya asosida o‘rganish va nazorat tadbirlari izchil davom ettiriladi.