Baxmalda bandlik va kambag‘allikni qisqartirish bo‘yicha vazifalar belgilandi
Baxmal tumani hokimligida aholi bandligini ta’minlash, kambag‘al oilalarni daromadli manbalarga yo‘naltirish, kambag‘al oilalar farzandlarining ta’lim olishi uchun zarur shart-sharoitlarni yaratish masalalariga bag‘ishlangan yig‘ilish o‘tkazildi.
Muhokamada Xalq deputatlari tuman Kengashi deputati,tumani hokimi A.Ergashev, tuman prokurori Sh. Abrayev, mahallalardagi “mahalla yettiligi” vakillari ishtirok etdi.Muhokamalar davomida kambag‘al oilalarni mavjud imkoniyatlardan samarali foydalanish orqali barqaror daromadga chiqarish,mehnatga layoqatli fuqarolarni ish bilan ta’minlash va kasb-hunarga jalb etish bo‘yicha amalga oshirilayotgan ishlar tahlil qilindi.
Shuningdek, kambag‘al oilalar farzandlarining ta’lim olishi,ularning ehtiyojlarini o‘rganish va zarur sharoitlarni yaratish masalalariga alohida e’tibor qaratildi.