Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida ijtimoiy reyestrga kiritilgan aholini reyestrdan chiqarish, ularni doimiy daromad manbaiga ega bo‘lishini ta’minlash borasida amalga oshirilayotgan ishlar o‘rganildi.

O‘rganishlar davomida fuqarolar bilan bevosita muloqot qilish, ularning ijtimoiy-maishiy sharoitlari va oilaviy holati bilan yaqindan tanishish maqsadida xonadonlarga tashrif buyurildi.

Xususan, Andijon ko‘chasi, 8-uyda yashovchi Abdujaliyevlar xonadonida bo‘lib, oila boshlig‘i bilan suhbat o‘tkazildi. Muloqot davomida oilaning bugungi ijtimoiy holati, daromad manbalari va mavjud ehtiyojlari yuzasidan fikr almashildi.

Shuningdek, oilani ijtimoiy reyestrdan chiqarish bo‘yicha mahalla yettiligi tomonidan shu kunga qadar amalga oshirilgan ishlar, oilaning daromadini oshirish va doimiy daromad manbaiga ega bo‘lishiga ko‘maklashish borasidagi imkoniyatlar atroflicha o‘rganildi.

️Oila tarkibidagi 1 nafar nogironligi bo‘lgan a’zoga ko‘rsatilayotgan ijtimoiy yordamlar ham muhokama qilinib, mavjud imtiyoz va ijtimoiy ko‘maklardan samarali foydalanish masalalariga e’tibor qaratildi.

Mazkur o'rganish ishlarini olib borishda Xalq deputatlari Qo‘qon shahar Kengashi kotibiyati mudiri A.Nosirov hamda kotibiyat bosh mutaxasissi A.Adhamovlar tomonidan amaliy ko‘mak ko‘rsatildi.

O‘rganish yakunida oilaning ijtimoiy holatini yaxshilash, daromad manbasini mustahkamlash va kelgusida ijtimoiy reyestrdan chiqarilishiga ko‘maklashish yuzasidan mahalla yettiligi bilan hamkorlikda tegishli choralarni ko‘rish belgilandi.

Xalq deputatlari Qo‘qon shahar Kengashi