Xalq deputatlari Sardoba tumani Kengashi kotibiyati mudiri Q.O‘tayev va S.Abduvaliyevalar tomonidan Sardoba tumanida 2026-yilda jamoatchilik fikri asosida “Ochiq byudjet” axborot portalida “Mening bog‘im” loyihalarini shakllantirish va moliyalashtirish tartibi to‘g‘risidagi VII-30-56-9-127-K/26-sonli qaror ijrosi o‘rganildi.
O‘rganish davomida mazkur qaror asosida Sardoba tumani “Navro‘z” mahalla fuqarolar yig‘ini hududida “Yashil bog‘” barpo etish uchun ajratilgan 250 mln so‘m mablag‘ning maqsadli va samarali o‘zlashtirilishi holati ko‘zdan kechirildi.
O‘rganish natijasida loyihani amalga oshirish bo‘yicha ishlar belgilangan talablar darajasida tashkil etilmagani, ishlar sur’ati pastligi va ajratilgan mablag‘lar doirasida ko‘zda tutilgan vazifalarning ijrosi qoniqarsiz holatda ekanligi aniqlandi.
Mazkur holat yuzasidan mas’ullarga qaror talablaridan kelib chiqqan holda loyiha ijrosini jadallashtirish, ajratilgan mablag‘larning maqsadli sarflanishini ta’minlash hamda belgilangan ishlarni sifatli va o‘z vaqtida yakunlash bo‘yicha tegishli choralar ko‘rish zarurligi ko‘rsatib o‘tildi.