Xalq deputatlari Tomdi tumani Kengashi deputati Ye.Mirzayev tomonidan Suketti OFY hududida aholining ichimlik suvi bilan ta’minlanish holati o‘rganildi.

O‘rganish davomida aholini toza va sifatli ichimlik suvi bilan ta’minlash, suv tarmoqlarining mavjud holati, suv yetkazib berishdagi muammolar hamda aholiga yaratilgan shart-sharoitlar ko‘zdan kechirildi.

Shuningdek, ichimlik suvi ta’minotining barqarorligini ta’minlash, mavjud suv inshootlari va tarmoqlaridan samarali foydalanish, aniqlangan kamchiliklarni bartaraf etish hamda aholining suv ta’minoti bilan bog‘liq murojaatlarini o‘rganish masalalariga alohida e’tibor qaratildi.

O‘rganish jarayonida hududdagi mavjud muammolarni aniqlash va ularni tegishli tashkilotlar bilan hamkorlikda hal etish bo‘yicha fikrlar almashildi.

O‘rganish yakunlari bo‘yicha aholini toza, sifatli va uzluksiz ichimlik suvi bilan ta’minlash darajasini yanada yaxshilash yuzasidan tegishli tavsiya va takliflar bildirildi.