Termiz shahrida mahallalar infratuzilmasini yaxshilash, hududlarni kompleks rivojlantirish hamda aholi uchun munosib va qulay yashash sharoitlarini yaratish borasidagi deputatlik nazorati izchil davom ettirilmoqda.

Xalq deputatlari Termiz shahar Kengashining 24-“Abdurahmon Jomiy” saylov okrugi deputati A.Tog‘aymuratov hamda Kengash kotibiyati bosh mutaxassisi R.Mamashukurovlar “Abdurahmon Jomiy” mahallasida bo‘lib, hududda infratuzilmani rivojlantirish hamda obodonlashtirish borasida amalga oshirilgan keng ko‘lamli ishlar bilan yaqindan tanishdilar.

Mazkur nazorat-tahlil ishlari mahalliy Kengash deputatlari faoliyati uchun belgilangan “24 ta eng muhim yo‘nalish” doirasida tashkil etilib, O‘zbekiston Respublikasi Oliy Majlisi Senatining Kengashining “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “Mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi 2025-yil 14-yanvarda qabul qilingan KQ-35-sonli qarori ijrosi asosida nazorat-tahlil tadbirlari olib borildi.

Deputat va mutaxassis mahallada “mahalla yettiligi” bilan hamkorlikda infratuzilmani rivojlantirish bo‘yicha bajarilgan ishlarni ko‘zdan kechirdilar:

• 🛣️ Infratuzilma va yo‘llar: Mahalla ichki yo‘llari, piyodalar yo‘lakchalarining holati hamda uylar atrofidagi obodonchilik;

• ⚡️ Muhandislik-kommunikatsiya tarmoqlari: Tungi yoritish chiroqlari, elektr, ichimlik suvi hamda oqova tarmoqlaridagi infratuzilmaviy yangilanishlar;

• 🧹 Sanitariya va "Yashil makon": Hududni toza saqlash, ariq-zovurlarni tozalash hamda yashil maydonlarni parvarishlash ishlari.

💬 A.Tog‘aymuratov: "Mahalla infratuzilmasini rivojlantirish — bu aholimizning kundalik turmush darajasini oshirish demakdir!"

"Senat Kengashining KQ-35-sonli qarori asosida 'mahalla yettiligi' bilan hamkorlikda olib borilayotgan bunyodkorlik va obodonlashtirish ishlari 'Abdurahmon Jomiy' mahallasining qiyofasini tubdan o'zgartirmoqda. Maqsadimiz — har bir ko'cha va xonadonda ushbu ijobiy o'zgarishlar va qulayliklar sezilishini ta'minlashdir," — deya ta'kidladi deputat.

📈 O‘rganishlar yakunida infratuzilmani yanada yaxshilash, obodlikni saqlab qolish hamda aniqlangan kichik kamchiliklarni bartaraf etish yuzasidan mas’ullarga tegishli tavsiya va ko‘rsatmalar berildi.