Xalq deputatlari Parkent tuman Kengashiga 14-“Cho‘qqayma” saylov okrugidan saylangan deputat, tuman Kengashi raisi Dadamatov Faxriddin Janobovich tomonidan “Chinorbuloq” MFYda “mahalla yettiligi” bilan uchrashuv o‘tkazildi.Uchrashuvda mahallada aholi bandligini ta’minlash, ishsiz fuqarolarni doimiy ish o‘rinlariga joylashtirish, kasb-hunarga o‘qitish, tadbirkorlik faoliyatini qo‘llab-quvvatlash hamda kambag‘allikni qisqartirish borasida amalga oshirilayotgan ishlar tahlil qilindi.Alohida e’tibor kambag‘al va kambag‘allik chegarasidagi oilalarni kambag‘allikdan chiqarish, ularning daromad manbalarini shakllantirish,bandligini ta’minlash hamda tadbirkorlikka jalb etish orqali oilalarning iqtisodiy imkoniyatlarini oshirish masalalariga qaratildi.Shuningdek, “mahalla yettiligi” tomonidan har bir oilaning mavjud imkoniyatlari va ehtiyojlaridan kelib chiqib manzilli ishlash, amalga oshirilayotgan chora-tadbirlarning natijadorligini ta’minlash hamda aniqlangan muammolarni o‘z vaqtida bartaraf etish masalalari yuzasidan fikr almashildi.Uchrashuv yakunida kambag‘allikni qisqartirish, aholi bandligini ta’minlash va oilalarning daromadlarini oshirishga qaratilgan ishlarni kuchaytirish bo‘yicha mas’ullarga tegishli tavsiya va vazifalar belgilandi.Mazkur yo‘nalishdagi ishlarning ijrosi deputatlik nazorati doirasida kuzatib boriladi.