O‘zbekiston Respublikasi Prezidentining PF-22-sonli Farmoni ijrosini ta’minlash hamda “Yashil makon” umummilliy loyihasini samarali tashkil etish borasidagi ishlar hududlarda izchil davom etmoqda.

✔️Mazkur vazifalar ijrosini nazorat qilish va amaldagi holatni o‘rganish maqsadida Toyloq tumani ekologiya va atrof-muhitni muhofaza qilish bo‘limi boshlig‘i I.Xurramov hamda tuman Kengashi mutaxassisi G.Rajabovalar tuman Obodonlashtirish boshqarmasida bo‘lishdi.

✔️O‘rganish davomida quyidagi masalalarga alohida e’tibor qaratildi:
Hududdagi mavjud daraxtlarni xatlovdan o‘tkazish va ularni raqamlashtirish jarayonlari;
Har bir daraxtning o‘ziga xos elektron pasportini yaratish va yagona bazaga kiritish holati;
Yashil maydonlarni asrab-avaylash, sug‘orish tizimlarini yaxshilash hamda parvarishlash borasida amalga oshirilayotgan chora-tadbirlar.

✔️Mazkur masala yuzasidan boshqarma xodimlariga tegishli tavsiya va ko‘rsatmalar berdilar.

✔️Tabiatni asrash, hududlar ekologik barqarorligini ta’minlash va “Yashil makon” loyihasining ustuvor vazifalarini sifatli bajarish yo‘lidagi ishlar tuman miqyosida qat’iy nazoratga olingan.