📌 Saylovchilar bilan navbatdagi uchrashuv o‘tkazildi

Xalq deputatlari Sherobod tumani Kengashining 25-Tallashqon saylov okrugi deputati, Kengash raisi O. Tursunov tomonidan o‘z saylov okrugida saylovchilar bilan navbatdagi uchrashuv tashkil etildi.

Uchrashuv davomida fuqarolarning murojaatlari, taklif va mulohazalari tinglandi. Saylovchilar tomonidan hududni obodonlashtirish, infratuzilmani yaxshilash, ijtimoiy masalalarni hal etish hamda aholini qiynab kelayotgan muammolar yuzasidan qator takliflar bildirildi.

Muloqot davomida bildirilgan har bir murojaat deputat tomonidan atroflicha o‘rganilib, ularning yechimini topish bo‘yicha mas’ul tashkilotlar bilan hamkorlikda tegishli choralar ko‘rish belgilandi.

Shuningdek, uchrashuvda fuqarolar bilan ochiq va samimiy muloqotni muntazam yo‘lga qo‘yish, aholi muammolarini joyida o‘rganish va ularni o‘z vaqtida hal etish deputatlik faoliyatining ustuvor yo‘nalishlaridan biri ekani ta’kidlandi.

🤝 Bunday uchrashuvlar xalq vakili va saylovchilar o‘rtasidagi bevosita muloqotni mustahkamlash, aholining taklif va tashabbuslarini qo‘llab-quvvatlash hamda hududdagi mavjud muammolarga amaliy yechim topishda muhim ahamiyat kasb etadi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube