Халық депутатлары Шымбай районлық Кеңесиндеги ӨзХДП депуталық топары ағзасы А.Утепбергенова өзи сайланған «Кеңес» АПЖ аймағында болып, исбилерменлик субъектлери жумыслары менен жақыннан танысты.

Үйрениў даўамында депутат аймақта киши бизнести раўажландырыў, халықты турақлы жумыс пенен тәмийинлеў ҳәм камбағаллықты қысқартыў бағдарында әмелге асырылып атырған жумысларға айрықша итибар қаратты.

✅ Атап айтқанда, «Кеңес» АПЖ аймағында жасайтуғын пуқара Расул Пазнатдинов мәмлекетимиз тәрепинен жаратылған имканиятлардан нәтийжели пайдаланып, 100 миллион сўм муғдарындағы жеңиллетилген кредит қаржысын алған. Ол усы қаржы есабынан заманагөй гилем жуўыў орнын шөлкемлестирип, өз бизнесин жолға қойды. Ең әҳмийетлиси, усы исбилерменлик субъекти арқалы аймақтағы камбағал ҳәм жумыссыз болған 8 пуқара турақлы жумыс орны менен тәмийинленди.

✍️ Депутат А.Утепбергенова исбилермендиң жумысы менен танысыў барысында мәмлекетимиз тәрепинен берилип атырған жеңилликлердиң өз ўақтында ҳәм нәтийжели өзлестирилип атырғанлығын жоқары баҳалады. Соны менен бирге, келешекте бизнести еле да кеңейтиў ҳәм қосымша жумыс орынларын жаратыў бойынша өз усынысларын билдирди.