Халық депутатлары Шымбай районлық Кеңесиндеги ӨзХДП депутатлық топары ағзасы А.Утепбергенова «Кеңес» АПЖ аймағында болып, «мәҳәлле жетилиги» ағзалары менен ушырасты.

♻️ Илажда Өзбекстан ХДП Шымбай районлық Кеңеси баслығы С.Нурмамбетов, Халық депутатлары Шымбай районлық Кеңеси секретариаты бас кәнигеси Ш.Аметов, районлық Ишки ислер бөлиминиң жуўаплы хызметкерлери ҳәм «мәҳалле жетилиги» ағзалары қатнасты.

Илаж даўамында аймақта жынаятшылықтың алдын алыў, ҳуқықбузарлықлар профилактикасын нәтийжели шөлкемлестириў ҳәм аймақ тынышлығын тәмийинлеў мәселелери додаланды. Соның менен бирге, «мәҳәлле жетилиги» тәрепинен пуқаралардың социаллық машқалаларын өз ўақтында анықлаў, халықтың мүтәж қатламын қоллап-қуўатлаў ҳәм «инсан қәдри ушын» принципи тийкарында әмелге асырылып атырған жумыслар көрип шығылды.

📌 Илаж соңында аймақта жынаятшылықтың алдын алыў бойынша анық илажлар белгиленип, пуқаралардың мүрәжатлары ҳәм социаллық мәселелерин өз ўақтында шешиў бойынша жуўапкерлерге керекли усыныслар берилди.