#bilimlar_kuni #Uchtepa_deputatlari #tabrik

BIRINCHI QO‘NG‘IROQ — YANGI ORZULAR VA ULKAN MAQSADLAR SARI!

🎓 Tumandagi 193-sonli umumiy o‘rta ta’lim maktabida yangi o‘quv yilining boshlanishiga bag‘ishlangan “Birinchi qo‘ng‘iroq” bayram tadbiri ko‘tarinki ruhda bo‘lib o‘tdi. Tadbirda xalq deputatlari Uchtepa tumani Kengashi deputati Xudayberganov Avaz Abrorovich ishtirok etib, maktab jamoasi, o‘quvchilar va ustozlarni yangi o‘quv yili boshlanishi bilan samimiy muborakbod etdi.

🎙 A.Xudayberganov o‘z nutqida bugungi kunda mamlakatimizda ta’lim sohasiga qaratilayotgan yuksak e’tibor, yoshlar uchun yaratilayotgan keng imkoniyatlar hamda zamonaviy bilim va ko‘nikmalarni egallashning ahamiyatiga alohida to‘xtalib o‘tdi.

⬆️ Deputat o‘z so‘zida yosh avlodning har tomonlama bilimli, vatanparvar, mustaqil fikrlaydigan va zamonaviy dunyoqarashga ega insonlar bo‘lib voyaga yetishi Yangi O‘zbekiston taraqqiyotining muhim omili ekanini ta’kidladi.

🫥 Shuningdek, o‘quvchilarga yangi o‘quv yilida a’lo baholar, yangi bilim va yutuqlar, ustozlarga esa sharafli va mas’uliyatli faoliyatlarida muvaffaqiyatlar tiladi.

💹 Tadbir davomida maktabning ilk bor bilim olamiga qadam qo‘yayotgan 1-sinf o‘quvchilariga alohida e’tibor qaratilib, ular uchun “Birinchi qo‘ng‘iroq”ning hayajonli va unutilmas lahzalari muhrlandi.

🎉 Bayram tadbiri o‘quvchilarning she’rlari, kuy-qo‘shiqlari va turli sahna chiqishlari bilan yanada ko‘tarinki ruhda davom etdi. Yangi o‘quv yili barchaga yangi bilimlar, ezgu maqsadlar, katta marralar va yorqin g‘alabalar olib kelsin!

🔔 Birinchi qo‘ng‘iroq sadosi — kelajak sari tashlangan ilk qadamlar ramzi bo‘lsin!