«ЭКСПЕРТ» ГУРУҲИ ЙИҒИЛИШИ БЎЛИБ ЎТДИ

Жорий йилнинг 28 август куни Халқ депутатлари Конимех тумани Кенгаши ҳузурида ташкил этилган «Эксперт» гуруҳининг йиғилиши бўлиб ўтди.

Йиғилишда туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссия раиси Перизат Мингтаева ҳам иштирок этди.

Йиғилиш давомида Кенгаш фаолияти билан боғлиқ масалалар, депутатларга киритилаётган таклиф ва ташаббусларни экспертлик нуқтаи назаридан кўриб чиқиш, шунингдек, қарорлар қабул қилиш жараёнида таҳлилий ёндашувни кучайтириш масалалари муҳокама қилинди.

🔎 «Эксперт» гуруҳи фаолиятининг асосий мақсади — Кенгаш муҳокамасига киритилаётган масалаларни чуқур ўрганиш, улар бўйича асосланган таклиф ва тавсиялар ишлаб чиқиш ҳамда депутатлик фаолияти самарадорлигини оширишдан иборат.