Yoshlarni qo‘llab-quvvatlash, ularning bilim olishi, harbiy-vatanparvarlik ruhida tarbiyalanishi va kelajakda munosib kasb egallashi uchun yaratilayotgan imkoniyatlar jamiyat taraqqiyoti uchun muhim ahamiyatga ega.
🌏«Vatan tayanchi» harakatining ayrim a’zolari, shuningdek, «Vatanparvarlar» hamda «Shijoat va g‘ayrat» musobaqalarining respublika bosqichi g‘oliblariga oliy ta’lim muassasalariga kirish uchun 3 yil muddatga tavsiyanoma berilishi — yoshlar mehnati va intilishini rag‘batlantirishning yana bir muhim ko‘rinishidir.
🌏Ayniqsa, tavsiyanoma asosida oliy harbiy va yuridik ta’lim muassasalariga kirishda to‘plangan ballning 5 foizi miqdorida qo‘shimcha ball berilishi yoshlar uchun katta rag‘bat bo‘ladi. Bu imkoniyat ularni sport, harbiy-vatanparvarlik va jamoat ishlarida faol ishtirok etishga undaydi.
🌏Deputat sifatida ushbu tashabbusni qo‘llab-quvvatlayman. Chunki yoshlarga berilgan har bir imkoniyat — mamlakatimizning ertangi taraqqiyotiga qo‘yilgan muhim qadamdir. Bunday imtiyozlar bilimli, vatanparvar, jasur va tashabbuskor yoshlarni tarbiyalashga xizmat qiladi.
🌏Eng muhimi, yoshlarimiz o‘z qobiliyati, mehnati va faolligi bilan yuksak natijalarga erishishi, o‘z kelajagini ishonch bilan qurishi uchun barcha zarur sharoitlar yaratib berilayotganini alohida ta’kidlash lozim.

Quvondiq Safarov, Xalq deputatlari Jondor tumani Kengashi deputati