#nazorat_tahlil #deputat_okrugida
#kotibiyat_xodimi_faoliyati

“Yangiobod” mahalla idorasini ta’mirlash masalasi muhokama qilindi

Xalq deputatlari tuman Kengashiga 5-Yangiobod saylov okrugidan saylangan deputat B.Bo‘tayeva o‘z saylov okrugidagi “Yangiobod” mahallasida, O‘zbekiston mahallalar uyushmasi tuman bo‘limi rahbari X.Xudoynazarov hamda tuman Kengashi kotibiyati bosh mutaxassisi A.Mamarajabov bilan birgalikda mahalla idorasining mavjud holatini ko‘zdan kechirib, uni ta’mirlash masalasini muhokama qildilar.

Muhokama davomida mahalla idorasini ta’mirlash, xodimlar uchun munosib mehnat sharoitlarini yaratish hamda fuqarolarni qabul qilish uchun qulay sharoitlarni ta’minlash masalalariga e’tibor qaratildi.

Mazkur masala yuzasidan O‘zbekiston mahallalar uyushmasi tuman bo‘limi rahbari tomonidan tegishli choralarni belgilash hamda ta’mirlash ishlarini tashkil etish bo‘yicha mas’ul xodimlarga tegishli topshiriqlar berildi.

Belgilangan vazifalar ijrosi deputatlik nazorati doirasida kuzatib boriladi. Amalga oshirilayotgan ishlar va erishilgan natijalar yuzasidan qo‘shimcha ma’lumot taqdim etiladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram