🏥 ТИББИЁТ СОҲАСИДАГИ МАСАЛАЛАР ДОИМИЙ КОМИССИЯ НАЗОРАТИДА
Халқ депутатлари Наманган тумани Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси аъзолари, Х.Холиқов ва бош мутахассис М.Қурбанов, О.Юсуповлар томонидан сессия кун тартибига киритилган масалалар юзасидан туман Тиббиёт бирлашмасида ўрганиш ўтказилди.
Ўрганиш жараёнида аҳолига кўрсатилаётган тиббий хизматлар сифати, дори-дармон таъминоти, тиббиёт муассасаларида мавжуд шароитлар, соҳага оид қонунчилик ҳужжатлари ҳамда Президент фармон ва қарорлари ижросининг ҳолати атрофлича таҳлил қилинди.
Ўрганиш якунида аниқланган камчиликларни бартараф этиш, тиббий хизматлар сифатини янада ошириш ва сессия муҳокамасига пухта таклифлар киритиш юзасидан тегишли тавсиялар ишлаб чиқилди. Доимий комиссия томонидан мазкур йўналишдаги депутатлик назорати изчил давом эттирилади.