Shımbay rayonında Ǵárezsizlik bayramı kóterińki ruwxta ótkerildi

⚡️ Shımbay rayonında Ózbekstan Respublikası Ǵárezsizliginiń 35 jıllıǵı múnásibeti menen «Bir watan, bir xalıq bolıp, jańa turmıs hám keleshek quramız!» súreni astında keń kólemli bayram saltanatı bolıp ótti.

Ilajda rayon hákimi N.Eshanov shıǵıp sóylep, rayon xalqın Ǵárezsizlik bayramı menen qızǵın qutlıqladı. Sonday-aq, húrmetli Prezidentimizdiń baslaması menen ǵárezsizlik jıllarında elimizde, sonıń ishinde, Shımbay rayonında ámelge asırılǵan úlken reformalar, erisilgen jetiskenlikler hám jańalanıwlarǵa ayrıqsha toqtap ótti.

Bayram ilajı dawamında Respublika kóleminde belgili hám rayonımızdaǵı kórkem óner sheberleri tárepinen tayarlanǵan koncert baǵdarlaması jıynalǵanlar názerine usınıldı.

Nama-qosıqlar, oyın-zawıq hám saxnalıq kórinisler jıynalǵanlarǵa bayram keypiyatın baǵıshladı.