Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna tomonidan saylov okrugidagi “Beshkappa” mahallasida “Mahalla yettiligi” tomonidan amalga oshirilayotgan ishlar o‘rganildi.O‘rganish davomida, avvalo,aholini kambag‘allikdan chiqarish, fuqarolar bandligini ta’minlash,oilaviy tadbirkorlikni rivojlantirish hamda yangi daromad manbalarini yaratish borasida amalga oshirilayotgan ishlar tahlil qilindi.Hokim yordamchisi Bekmurod O‘tkirоv tomonidan taqdim etilgan ma’lumotlarga ko‘ra, Oilaviy tadbirkorlikni rivojlantirish dasturi, “Mahalla loyihasi” va “Biznesga birinchi qadam”dasturlari doirasida tijorat banki bilan hamkorlikda 15 nafar fuqaroga jami 330 million so‘m kredit mablag‘lari ajratilgan.Shuningdek, 8 nafar fuqaro kasb-hunarga o‘qitilib,vaucher asosida ta’lim olgan hamda o‘qishni muvaffaqiyatli yakunlab, tegishli sertifikatlarga ega bo‘lgan.Joriy yilning 8 oyi davomida mahallada 20 nafar fuqaro doimiy ishga joylashtirilgan, 170 nafar fuqaro esa o‘zini o‘zi band qilgan shaxs sifatida ro‘yxatdan o‘tkazilgan. Bundan tashqari, 5 nafar fuqaro uchun kichik ishlab chiqarish va xizmat ko‘rsatish yo‘nalishlarida mikroloyihalar amalga oshirilib, loyihalar amaliy faoliyatini
boshlagani qayd etildi.Uchrashuv yakunida mahalla fuqarolar yig‘ini raisi bilan hamkorlikda aniqlangan muammolarni bosqichma-bosqich hal etish, ijtimoiy himoyaga muhtoj oilalarni qo‘llab-quvvatlash, aholi bandligini yanada oshirish hamda mavjud kamchiliklarni bartaraf etish yuzasidan aniq chora-tadbirlar rejasi ishlab chiqildi.Bu kabi o‘rganishlar hududlarda olib borilayotgan islohotlar samaradorligini oshirish va fuqarolarning turmush farovonligini yuksaltirishga xizmat qiladi.