Xalq deputatlari Qo‘qon shahar Kengashi 24-“Rayhon” saylov okrugi deputati Sh.Xasanova tomonidan “Rayhon” mahalla fuqarolar yig‘inida navbatdagi o‘rganish ishlari olib borildi.

O‘rganish davomida mahallada faoliyat olib borayotgan Yoshlar yetakchisi hamda ijtimoiy xodimning faoliyati bilan yaqindan tanishildi.

Jumladan, mahalladagi yoshlar bilan ishlash, ularning muammolarini aniqlash, bandligini ta’minlash, bo‘sh vaqtini mazmunli tashkil etish hamda ijtimoiy faolligini oshirish borasida amalga oshirilayotgan ishlar muhokama qilindi.

Shuningdek, ijtimoiy xodim tomonidan ijtimoiy himoyaga muhtoj fuqarolar bilan olib borilayotgan ishlar, ularning murojaatlarini o‘rganish va zarur ijtimoiy xizmatlar bilan ta’minlash masalalari ko‘rib chiqildi.

O‘rganish jarayonida mavjud muammolar tinglanib, ularni bartaraf etish, fuqarolar va yoshlarning murojaatlariga o‘z vaqtida amaliy yechim topish yuzasidan fikr almashildi.

Aniqlangan masalalarni tegishli tashkilotlar bilan hamkorlikda hal etish hamda mahallada yoshlar va ijtimoiy himoyaga muhtoj fuqarolar bilan ishlash samaradorligini yanada oshirish bo‘yicha zarur choralarni ko‘rish belgilandi.

Xalq deputatlari Qo‘qon shahar Kengashi