Qonunning asosiy maqsadlari:
bolalarning axborot xavfsizligini ta’minlash;
ularning sog‘lig‘i va ma’naviy-axloqiy rivojlanishiga zarar yetkazuvchi axborot tarqalishining oldini olish;
bolalarning xavfsiz axborot muhitidan foydalanish huquqini kafolatlash;
ota-onalar, ta’lim muassasalari va axborot tarqatuvchilarning mas’uliyatini oshirish.

️ Bolalar uchun zararli axborotlarga quyidagilar kiradi:
zo‘ravonlik va shafqatsizlikni targ‘ib qiluvchi materiallar;
giyohvandlik, spirtli ichimliklar va tamaki mahsulotlarini targ‘ib qiluvchi axborot;
o‘z joniga qasd qilish yoki noqonuniy xatti-harakatlarni targ‘ib etuvchi materiallar;
yoshiga mos bo‘lmagan, axloqiy me’yorlarga zid kontent;
bolalarning ruhiy va ma’naviy rivojlanishiga salbiy ta’sir ko‘rsatadigan boshqa axborotlar.

Har birimizning vazifamiz:
bolalarning internet va ommaviy axborot vositalaridan xavfsiz foydalanishini nazorat qilish;
foydali va ishonchli axborot manbalarini tavsiya etish;
farzandlar bilan ochiq muloqot qilish va ularning media madaniyatini rivojlantirish;
xavfsiz axborot muhitini yaratishga hissa qo‘shish.

Xalq deputatlari Samarqand shahar Kengashi barcha ota-onalar, pedagoglar va keng jamoatchilikni bolalarning axborot xavfsizligini ta’minlash, ularni zararli axborotlardan himoya qilish va sog‘lom ma’naviy muhitni shakllantirishda faol bo‘lishga chorlaydi.

Farzandlarimizni asraylik — ularning sog‘lom, bilimli va baxtli kelajagi uchun birgalikda mas’ul bo‘laylik! 🌱