“Jismoniy tarbiya va sport to‘g‘risida”gi Qonun ijrosi o‘rganildi

Xalq deputatlari Samarqand viloyat Kengashi deputati N. Kenjayeva hamda Paxtachi tuman Kengashi kotibiyati mudiri
R. Magripova ishtirokida 29-son umumta’lim maktabida O‘zbekiston Respublikasining “Jismoniy tarbiya va sport to‘g‘risida”gi Qonuni ijrosi yuzasidan o‘rganish ishlari olib borildi.

O‘rganish davomida maktabda jismoniy tarbiya va sportni rivojlantirish, o‘quvchilarning sport bilan muntazam shug‘ullanishlari uchun yaratilgan sharoitlar, sport jihozlari bilan ta’minlanganlik darajasi hamda sport to‘garaklari faoliyati ko‘zdan kechirildi.

Shuningdek, qonun ijrosini ta’minlash bo‘yicha amalga oshirilayotgan ishlar tahlil qilinib, aniqlangan kamchiliklarni bartaraf etish va mavjud imkoniyatlardan samarali foydalanish yuzasidan tegishli tavsiyalar berildi.