Mazkur tashabbus yosh avlodning yozgi ta’til davrini mazmunli tashkil etish, ularning sog‘lom turmush tarziga bo‘lgan qiziqishini oshirish, jismoniy faolligini qo‘llab-quvvatlash hamda bo‘sh vaqtlarini samarali o‘tkazish maqsadida amalga oshirildi.

Tadbir davomida so‘zga chiqqanlar mamlakatimizda yoshlar ta’lim-tarbiyasi, ularning har tomonlama barkamol inson bo‘lib voyaga yetishi uchun yaratilayotgan imkoniyatlar haqida to‘xtalib, bu borada mahalla, ta’lim muassasalari va tadbirkorlar hamkorligining muhim ahamiyatga ega ekanligini ta’kidladilar.

🇺🇿 Yangi O‘zbekistonda yoshlarning bilim olishi, sport bilan shug‘ullanishi va bo‘sh vaqtini mazmunli tashkil etish masalalariga alohida e’tibor qaratilayotgani, bunday ezgu tashabbuslar esa ushbu maqsadlarga xizmat qilishi qayd etildi.

Mahalla tadbirkorlari tomonidan ko‘rsatilgan ushbu amaliy ko‘mak nafaqat bolajonlarga quvonch ulashdi, balki ijtimoiy mas’uliyat, saxovat va hamjihatlikning yorqin namunasi sifatida e’tirof etildi.

Tadbir ishtirokchilari yosh avlod kamoloti yo‘lida amalga oshirilayotgan xayrli ishlarga yuqori baho berib, bunday tashabbuslar kelgusida ham davom etishiga ishonch bildirdilar.

Basseyn o‘quvchilarning yozgi ta’til davrida sog‘lom hordiq chiqarishi, sport bilan shug‘ullanishi va bo‘sh vaqtlarini mazmunli o‘tkazishiga xizmat qiladi.

Farzandlarimiz uchun yaratilayotgan har bir imkoniyat — kelajagimiz uchun qo‘yilayotgan mustahkam poydevordir!