TOXOVUZ MAHALLASIDA TADBIRKORLIKNI RIVOJLANTIRISH ISHLARI TAHLIL QILINDI

Xalq deputatlari Quva tuman Kengashi deputati D.Sodiqova, kotibiyat bosh
mutaxassisi A.Fozilov hamda Kengash xuzuridagi yoshlar maslaxat guruxi a’zosi
J.Abdurashidovlar Toshxovuz mahalla fuqarolar yig‘inida hokim yordamchisi
tomonidan aholini tadbirkorlikka jalb etish, tadbirkorlikni qo‘llab-quvvatlash
hamda yangi ish o‘rinlarini yaratish borasida amalga oshirilayotgan ishlar
holatini manzilli o‘rgandi.

Xususan, deputat tadbirkor S.Sulaymonov tomonidan tashkil etilgan qurilish
materiallari, Shlakoblok ishlab chiqarishga ixtisoslashgan sex faoliyati bilan
yaqindan tanishdi va u yerda ishchilarga yaratilgan sharoitlar, faoliyatni
yanada kengaytirish, yangi ish oʻrinlari yaratish yuzasidan amaliy tavsiyalar
berildi.

Oʻrganishlar yakunida mahallada tadbirkorlikni rivojlantirish, aholi bandligini
taʼminlash va daromad manbalarini kengaytirish borasidagi ishlarni yanada
jadallashtirish boʻyicha hokim yordamchisiga tegishli tavsiyalar berdi.

O‘rganish jarayonida aniqlangan kamchiliklar deputat tomonidan “Deputatning
ko‘cha aylanish daftari”ga kiritilib, bartaraf etilishi nazoratga olindi.