📌 Xalq deputatlari Andijon shahar Kengashining 2026-yil 24–28-mart kunlariga mo‘ljallangan ish-reja grafikasi bilan tanishing:

🔹 1. 4-Shahbekt saylov okrugi hududidagi Barkamol MFYda mahalla yettiligi tomonidan amalga oshirilayotgan ishlar samaradorligini o‘rganish rejalashtirilgan.

🏡 Hududdagi mavjud muammolarni aniqlash hamda ularni bartaraf etish yuzasidan joyiga chiqib o‘rganish ishlari olib boriladi.

🔹 2. Doimiy komissiya yig‘ilishini o‘tkazish belgilangan.

📋 Unda barcha doimiy komissiyalar tarkibiga o‘zgartirish kiritish masalasi dastlabki tartibda muhokama qilinadi.

🔹 3. O‘zbekiston Respublikasi Prezidentining 2026-yil 16-fevraldagi PQ-62-son qarori ijrosini ta’minlash maqsadida hududlarda olib borilayotgan ishlarni o‘rganish rejalashtirilgan.

🚧 Amalga oshirilayotgan loyihalar joyiga chiqib o‘rganiladi.

🔹 4. Shuningdek, O‘zbekiston Respublikasi Prezidentining 2026-yil 5-fevraldagi PQ-49-son qarorida belgilangan vazifalar ijrosini ta’minlash maqsadida deputat M. Xakimova bilan birgalikda 22-Shahidtepa saylov okrugi hududidagi Obod MFYda manzilli dasturlar asosida olib borilayotgan ishlar o‘rganiladi.

💼 Aholi daromadini oshirish, yangi ish o‘rinlari yaratish hamda kambag‘allikni qisqartirishga qaratilgan ishlar ko‘zdan kechiriladi.

Ushbu ish-reja asosida belgilangan vazifalar izchil amalga oshirilib, hududlarni yanada rivojlantirishga xizmat qiladi.