Xalq deputatlari tuman Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasining majlisi bo‘lib o‘tdi.

Kun tartibidagi masala O‘zbekiston Respublikasi Prezidentining 2026-yil 5-fevraldagi “Koʻp kvartirali uylarni boshqarish tizimini yanada takomillashtirish boʻyicha qoʻshimcha chora-tadbirlar toʻgʻrisida”gi PQ-48-sonli qarorining tumandagi ijrosi to‘g‘risida uy-joy kommunal xo‘jaligi bo‘limi boshlig‘i J.Normurodovning hisoboti dastlabki tarzda tinglandi.

Bunda hisobot beruvchi ishtirokchilarga PQ-48-sonli qarorda belgilab berilgan vazifalar bo‘yicha amalga oshiriladigan ishlar haqida aniq va to‘liq ma’lumotlarni taqdim etdi. Hisobot berilganidan so‘ng uy-joy kommunal xo‘jaligi bo‘limi boshlig‘i ga doimiy komissiya a’zolari yig‘ilish kun tartibiga oid turli hil savollar berdilar va shu savollarga javoblari olindi.

Majlis yakunida komissiya a’zolarilari tomonidan bildirilgan taklif va fikr mulohazalarni inobatga olgan holda, xalq deputatlari Muzrabot tuman Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasining kun tartibidagi masala bo‘yicha tegishli qarori qabul qilindi.